Puwera usog

Mahirap tanggihan ang nakatatanda pagdating sa pagsunod sa mga pamahiin. Bakit nga naman sila hindi pakikinggan kung mabuti naman ang kanilang hangarin? Sa pagpapalaki ng bata, gabay namin ang payo ng mga doktor, kaibigan, instinct, kamag-anak at kabilang na ang sabi-sabi ng matatanda. Hindi man ako naniniwala sa pamahiin, kung hindi naman ito ikamamatay ng aking anak, sino ako para insultuhin ang mga taong nagmamahal sa aking pamilya?

1. Kailangang lawayan ng mga bumabati ang paa ng bata. Pinakapopular na pamahiin na ginagawa kahit sa mga may edad na. Hindi kailangang bumati para makausog, basta tiningnan ang bata ng mga taong gutom, pagod at malakas ang usog, naku hahabulin ang kawawang tao para piliting lawayan ang bata. May tinatawag silang mangkukulam, mga matatandang babae na malakas talaga ang usog.

2. Pulang bagay sa damit ng bata. Nilalagay ito sa mga batang mataba at cute (tulad ng anak ko) para dito mapunta ang bati ng mga tao at hindi mausog ang bata.

3. Tuyong ulo ng kalabasa sa damit ng bata. Nilalagay ito kapag lima o anim na buwan na ang bata para daw hindi mahirapan sa pag-iipin.

4. Bawal magsalamin ang sanggol. Hindi ko alam kung bakit.

5. Bawal maligo sa araw ng Biyernes. Hindi namin ito sinusunod, baka bumaho si baby eh.

6. Bawal magbiyahe ang hindi pa nabibinyagang bata. Basta raw hindi malayo, walang problema kung ipasyal sa mall o kung saan pa man.

7. Bawal kalbuhin ng isang taon. Ewan ko kung bakit. Baka siguro papanget ang baby kapag kinalbo.

8. Unang ginupit na kuko ilagay sa holy water ng simbahan. Para daw maging mabait na kristiyano ang bata. O kaya ilagay daw sa bibliya. Kaya pala madumi ang holy water ng simbahan.

9. Unang ginupit na kuko o buhok ilagay sa libro para maging matalino ang bata. Paano kapag sa FHM naipit ang kuko o buhok? O kaya sa opinion page ng Philippine Star? Huwag naman po.

10. Gupitin ang pilikmata para humaba at gumanda. Hindi ito pamahiin, hindi ko alam kung ano ang batayan ng aking asawa.

11. Himas-himasin ang ilong para tumangos. Lalo na kapag parehong pango ang magulang, hehe.

12. Pag-uwi ng pagod na nanay mula sa trabaho, dampian ng mainit-init na bimpo ang suso para lumabas ang maduming gatas. Ipahid ito sa bata para kuminis daw ang balat. O daddy, huwag agawan ang bata.

13. Bawal pigain ang lampin ni baby kapag nilalabhan. Para daw hindi masira ang tiyan ng bata.

14. Bawal magsuot ng may kulay na damit sa mga unang buwan ng bata. Baka daw kasi hindi bagayan ng kulay kapag lumaki na ang bata. Eh paano kapag ang mga bigay na damit ng mga kaibigan at kamag-anak ay may kulay?

15. Dapat may nakabukas na radyo sa tabi ng natutulog na sanggol. Para daw matutong matulog ang bata kahit may kaunting ingay sa paligid. Pagkakataon ito para pakinggan ng baby ang musika ni Mozart, Bach at iba pang klasikong musika na tumutulong sa pagpapatalino ng bata.

16. Pagkatapos ng binyag, kailangang itakbo palabas ng simbahan ang bata at dapat mauna sa iba. Para daw hindi mahuli ang bata sa hinaharap sa anumang karera na kanyang pinili.

Masaya magpalaki ng bata. Marami tayong nakakatuwang kaugalian na mahirap intindihin pero madali naman sundin. Basta ang mahalaga, malusog si baby, regular ang bakuna, araw-araw dumudumi at tuluy-tuloy ang breastfeeding.

Advertisements

3 Comments

  1. Posted September 14, 2005 at 2:06 pm | Permalink | Reply

    siguro na sa tradition na ng mga pinoy yan. up to now nagagawa pa rin. 🙂

  2. Posted September 22, 2005 at 3:27 pm | Permalink | Reply

    nakakatuwa naman itong fatherhood entry mo. napapadaan lang, mong. parang ang sarap tuloy magka-baby uli! hahaha! ~tomkulot

  3. anonymous
    Posted July 20, 2008 at 10:39 am | Permalink | Reply

    thanks………..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: